वाईसीएल संलग्नतामा बालुवा चोरीको आरोप

प्रतिमा बा“स्कोटा/मकर श्रेष्ठ

भक्तपुर, असोज २७ - मनोहरा खोलाबाट अवैध रूपमा बालुवा चोरी गरी वाईसीएलले रकम उठाउ“दै आए पनि अहिलेसम्म कुनै कारबाही भएको छैन ।

वाईसीएल संलग्नतास“गै पेप्सीकोलाको सडक हु“दै सानोठिमी जाने पुलबाट बाया“तर्फो खोलामा बालुवा चोरी तीव्र छ । खोलाबाट निकाल्ने बालुवामा वाईसीएलले प्रतिमिनिट्रक पचास रुपैया“ लिने गरेका छन् । यहा“बाट दैनिक १५ देखि २० ट्रक बालुवा निकाल्ने गरेको स्वयं वाईसीएल कार्यालयबाट खटिएका कार्यकर्ता 'विकल्प' ले कान्तिपुरलाई बताए ।

'खोलामा बालुवा लिन आएका सबै ट्रकस“ग पैसा लिन्छौं,' विकल्पले भने- 'यो पैसाले खोलाका मजदुर घाइते तथा बिरामी ह“ुदा उपचार गर्र्छौं ।'

दैनिक उठाउने रकम 'वाईसीएल भलाइ कोष' मा जम्मा गर्ने गरेको उनले बताए । वाईसीएलको पेप्सीकोला क्षेत्रका कार्यकर्ता बताउने उनले एक महिनाअघिदेखि रकम उठाउन थालेको बताए ।

'बालुवा चोरी नियन्त्रणका लागि ठिमी र कोटेश्वरका प्रहरी आए पनि उल्टै पैसा मागेर लैजाने गर्छन्,' उनले भने- 'प्रहरीले हामीस“ग ५ हजारदेखि दस हजार रुपैया“सम्म माग्छन् । तर २ देखि ४ हजारमा कुरा मिलाएर पठाउने गरेका छौं ।' प्रहरी सीआईडी बनेर आउने गरेको उनले बताए ।

अखिल नेपाल निर्माण मजदुर संघका काठमाडौंं जिल्लाका कोषाध्यक्ष राहुल सोरेनले मनोहराबाट निकाल्ने बालुवा अवैध भएको स्वीकारे । अवैध भए पनि मजदुरलाई राहत दिन यस्तो गनर्ुर्ुेको उनले बताए ।

'बालुवा जताको भए पनि हामीले मजदुरको भलाइका लागि गरेका हौं,' उनले भने- 'ठेकेदारले मजदुरलाई लगाउ“छन्, हामी मजदुरको भलाइ चाहने भएकाले अरू कुरास“ग सरोकार राख्दैनौं ।'

उनले ठेकेदार गणेश लामा र ट्रक व्यवसायी संघका अध्यक्ष उद्धव खडका बालुवा झिक्ने काममा संलग्न रहेको आरोप लगाए । संविधानसभा चुनावअघि पनि यो कोषका लागि रकम लिने गरेको उनले बताए ।

माओवादी आन्दोलनमा मजदुरले सघाएकाले उनीहरूको राहतका लागि रकम उठाउन थालिएको उनको भनाइ छ । तर बालुवा झिक्ने गरेका मजदुरले भने राहत रकम नपाएको गुनासो गरे । थुन्चेभरि बालुवा बोक्दै गरेकी काभे्रकै २२ वषर्ीया माया तामाङले भनिन्- 'खै त्यस्तो केही थाहा छैन ।'