तीन प्रहरी र चार स्थानीयवासी घाइते

पर्याप्त यात्रुवाहक सवारीका साधन नभएको विरोधमा दोलखाका स्थानीयवासीले सोनामछिरीङ राजमार्गको बन्चरेमा सडक खण्ड अवरुद्ध गरेका छन् । सो सडक अवरुद्धका कारण हजारौँ यात्रु अलपत्र परेका छन् ।

सो सडक खुलाउन पुगेको प्रहरी र स्थानीयवासीबीच दोहोरो झडप हुँदा तीन प्रहरी र चार स्थानीयवासी घाइते भएका छन् ।

घाइते हुनेमा प्रहरी नायब निरीक्षक कृष्णबहादुर श्रेष्ठ, प्रहरी जवान विमल बुढाथोकी र लालकाजी श्रेष्ठ रहेका छन् ।

दोहारो झडपमा स्थानीयवासी रमेश खड्का, प्रेम श्रेष्ठ, पद्मकुमारी थामी र केदार कार्की घाइते भएका छन् । स्थानीय प्रशासनले अहिले बाटो खुलाउन आन्दोलनरत पक्षलाई वार्तामा राखे पनि सहमति भने हुन सकिरहेका छैन ।



नेपाल जापान डट् कम् सम्वाददाता
दोलखा अक्टोबर, १३