सरकारको आलोचना

कान्तिपुर संवाददाता

काठमाडौं, असोज २६ - शान्तिसुरक्षामा सुधारको अनुभूति दिलाउन नसकेको र माओवादी ज्यादती कायमै रहेको आरोप लगाउ“दै एमालेले गठबन्धन सरकारको आलोचना गरेको छ ।

मुख्यालय बल्खुमा आइतबार सुरु २१ औं केन्द्रीय कमिटीको बैठकमा सदस्यहरूले शान्तिसुरक्षा प्रत्याभूत गराउन नसकेको भन्दै गृहमन्त्री वामदेव गौतमको आलोचना गरेका हुन् । बैठकले आगामी असोज ३० गतेदेखि दुई दिन राजधानीमा राष्ट्रिय कार्यकर्ता भेला आयोजना गर्ने निर्णय गरेको छ ।

महासचिव झलनाथ खनालले प्रस्तुत गरेको राजनीतिक प्रतिवेदनमाथिको छलफल सोमबार हुने भएको छ । केन्द्रीय सदस्य रामनाथ ढकालले बैठकको प्रारम्भमै ज्यान मुद्दा खेपिरहेका अर्घर्ाा“चीका दस कार्यकर्ता रिहाइको पहल नगरेकामा गृहमन्त्री गौतमको आलोचना गरेका थिए । त्यसपछि पश्चिमाञ्चलका अन्य सदस्यले पनि शान्तिसुरक्षाको प्रत्याभूति दिलाउन नसकेको भन्दै थप टिप्पणी गरे । ०६४ फागुनमा अर्घर्ाा“चीको नुवाकोटमा माओवादीस“ग भएको भिडन्तमा एक माओवादी कार्यकर्ता मारिएपछि १० एमाले कार्यकर्ताले ज्यान मुद्दा खेपिरहेका छन् ।

'माओवादी नेता टोपबहादुर रायमाझीको उपस्थितिमा सबै दलका प्रतिनिधि रहेको जिल्ला परिषद्ले राजनीतिक प्रकृतिको भएकाले उक्त मुद्दा फिर्ता लिने सहमति गरिसकेका थिए,' ढकालले कान्तिपुरसित भने, 'उहिल्यै फिर्ता लिने सहमति भइसकेको मुद्दा गौतम गृहमन्त्री भएको यतिका समय बितिसक्दा पनि किन भएन भनी प्रश्न उठाएको हु“ ।'

बैठकमा गौतम उपस्थित

थिएनन् । अन्य केन्द्रीय सदस्यले पनि माओवादी ज्यादतीका विषयमा प्रश्न उठाएपछि महासचिव झलनाथ खनालले बैठक कक्षबाटै गृहमन्त्री गौतमलाई टेलिफोन गरी उपस्थित हुन आग्रह गरेका थिए ।

गौतमले बैठकमा उपस्थित भई तत्काल मुद्दा फिर्ताको प्रक्रिया अघि बढाउने र शान्तिसुरक्षाको अवस्थामा सुधार ल्याउन थप लागिपर्ने प्रस्टीकरण दिएको स्रोतले बताएको छ ।

गौतमको प्रस्टीकरणपछि मात्रै बैठक सुचारु भएको थियो । बैठकमा महासचिव खनालले २० पृष्ठ लामो राजनीतिक प्रतिवेदन वाचन गरे । प्रतिवेदनमा २० औ केन्द्रीय कमिटीको बैठकको मूल्याङ्कन तथा समीक्षा, गठबन्धन सरकारमा सहभागी हुनुको औचित्य, माओवादीको उग्रवामपन्थी भडकावविरुद्धको वैचारिक संर्घष्ा जारी, महाधिवेशनको तयारीलगायतका विषयमा केन्द्रित छ ।

प्रतिवेदनमा गठबन्धन सरकारमा सहभागी हुनु तत्कालीन आवश्यकता र सही भएको उल्लेख गर्दै राम्रो भूमिका खेल्नुपर्ने उल्लेख छ । त्यस्तै प्रतिवेदनमा केन्द्रीय कमिटी विघटन गरी महाधिवेशन तयारी समिति गठन गर्ने उल्लेख छ । स्रोतका अनुसार केन्द्रीय कमिटी बैठकको एजेन्डा तय गर्न बसेको स्थायी समितिको बैठकमा केन्द्रीय कमिटी विघटन गर्ने प्रस्तावबारे मतभेद भएको थियो । पर्ूवमहासचिव माधव नेपालले राजीनामा दिएका बखतका कार्यवाहक महासविच अमृत

बोहोराले केन्द्रीय कमिटी विघटन गरी आयोजक समिति बनाउन राखेको प्रस्ताव त्यो बेला खनालले आफैं अस्वीकार गरेका थिए ।

बैठकले असोज ३० र कात्तिक १ गते राजधानीमा राष्ट्रिय कार्यकर्ता भेला गर्ने निर्ण्र्ाागरेको छ । 'जिल्ला कमिटीका सचिव, अञ्चलस्तरीय कमिटीका सम्पर्ूण्ा पदाधिकारी, पार्टर्ीीदस्य भएका सभासद् उक्त भेलामा सहभागी हुने छन्,' प्रचार विभाग प्रमुखर् इश्वर पोखरेलले भने, 'महाधिवेशनको पर्ूवसन्ध्यामा हुने यो भेलाले त्यसलाई दिशानिर्देश गर्ने छ ।' सोमबार बिहान फेरि बस्ने बैठकले महाधिवेशन तयारीका विषयमा आवश्यक निर्ण्र्ाागर्ने उनले बताए ।

श्रोत: कान्तिपुर