भारतीय मोडेल कारागारमा

जितेन्द्र साह

काठमाडौं, असोज २७ - सुन्धारास्थित केन्द्रीय कारागारको महिला बन्दीगृहमा एक फरक अनुहार देखिन्छ । कुनै मोडलजस्तै लाग्ने ती महिला हुन्, भारत मनिपुर इम्फालकी २४ वषर्ीया अमरावती लांगाम जो अन्य बन्दीसरह सजाय भोगिरहेकी छन् ।

लागूऔषध नियन्त्रण कानुन कार्यान्वयन इकाइले वैशाख २३ मा डीएचएल कुरियरबाट ७ सय ५० ग्राम सेतो हेरोइनसहित अमरावतीलाई पक्राउ गरेको थियो । उनले स्पेन पठाउन लागेको पा“च थान पुस्तकको गाताभित्र लुकाएर हेरोइन राखेको घेटिएको थियो । अहिले उनीविरुद्ध ५ देखि १५ वर्षम्म कैद र ५ देखि २५ लाख रुपैया“सम्म जरिवानाको मागसहिद अदालतमा मुद्दा दायर छ ।

'मैले बुझ्न सकेकी छैन, किन फसाइयो -,' उनले भनिन्- 'मैले पहिलोपटक पुस्तकमा लुकाएर राखिएको वस्तु सेतो हेरोइन भएको थाहा पाए“ ।' अमरावतीले आफूलाई पुस्तक दिने व्यक्ति फरार भएको बताइन् । 'म फ“से,' उनले भनिन् । दर्ुइ वर्षघि स्नात कोत्तर गरेकी सुन्दर व्यक्तित्वकी उनले कामकै खोजीमा र्‍याम्प मोडलिङसमेत गरेकी थिइन् । सानैदेखि नेपालबारे सुनेकाले स्थलमार्गबाट तेस्रो पटक घुम्न आएको उनले बताइन् । त्यसअघि पनि उनले पुस्तक लिएर आएको बताइन् । 'मलाई पुस्तक ल्याएबापत २० हजार भारतीय रुपैया“ दिइन्थ्यो,' उनले भनिन् ।

इकाइका एसपी हेमन्त मल्ल ठकुरीका अनुसार सम्पर्ूण्ा प्रमाण अमरावतीका विरुद्ध भएकाले उनले मुख्य व्यक्तिलाई पक्राउ नगराएसम्म कानुनीरूपले राहत पाउन नसक्ने अवस्था छ ।