फोरमद्वारा अस्पताल निर्माणमा रोक

कान्तिपुर समाचारदाता

राजविराज, असोज २७ - कोसीपीडितका लागि सप्तरीको भारदहमा निर्माणाधीन अस्थायी अस्पताल मधेसी युवा फोरमले सोमबारदेखि रोकेका छन् । फोरम युवाको अगुवाइमा स्थानीय बासिन्दाले निर्माण कार्य अनिश्चितकालका लागि बन्द गराएका हुन् ।

सहमतिअनुसार स्थानीयलाई प्राथमिकता दिने गरी पदपर्ूर्तिको विज्ञापन नगरेको, ठेकेदारले स्टिमेटअनुसार काम नगरेको भन्दै मधेसी युवा फोरम भारदहको नेतृत्वमा उक्त कार्य रोकिएको हो ।

अस्पताल निर्माणविरुद्ध संर्घष्ारत स्थानीयवासीले त्यहा“ कार्यरत कर्मचारी तथा ठेकेदारलाई गालीगलौज गर्दै भगाएका थिए ।

कोसीको बहाव परिवर्तनपछि सुनसरी तथा भारत बिहारका विभिन्न स्थानबाट विस्थापित भई यहा“ आश्रय लिएकालाई स्वास्थ्य सेवा दिन सरकारले १५ शय्याको अस्पताल निर्माण गर्न लागेको हो । अस्पतालका लागि भारदहवासीले निःशुल्क भवन तथा जग्गा उपलब्ध गराएका छन् ।

आवश्यक जनशक्तिका लागि स्वास्थ्य मन्त्रालयले असोज १४ देखि ५ दिनको म्याद राखेर काठमाडौंमा दरखास्त दिने गरी विज्ञापन निकालेको थियो । कम समय र राजधानीमै सीमित गरिएकाले स्थानीय बासिन्दा अवसरबाट वञ्चित भएको भन्दै जिल्लामा यो सुविधा उपलब्ध गराउन उनीहरूले माग गर्दै आएका थिए ।

संर्घष्ाको नेतृत्व गरेका युवा फोरम गाउ“ समितिका अध्यक्ष नागेन्द्र मण्डलका अनुसार स्वास्थ्यमन्त्रीले दरखास्त भर्ने म्याद थप गरी स्थानीय रूपमै विज्ञापन गर्ने आश्वासन दिएका थिए । तर सहमतिविपरीत असोज २९ गते अन्तर्वार्ताका लागि समय तोकिएकाले काम बन्द गराउनुपरेको उनको दाबी छ ।

यस सम्बन्धमा जनस्वास्थ्य सप्तरीका प्रमुख चन्द्रदेव मेहताले सबै कामकारबाही केन्द्रबाटै भएकाले विवाद समाधान पनि उतैबाट खोज्नुपर्ने बताए ।