नेपाल जापान डट् कम् सम्वाददाता
काभ्रे अक्टोबर, १४
मुग्लिनस्थित शुभेच्छा हार्डवेयरमा काम गर्न बसेका सिन्धुपाल्चोक जिल्लाको करथली गाविसका शिव भुजेल त्यही पसलबाट चोरी गरी
ल्याएको नगद ७५ हजार ४०० ।- र मोबाइलसहित बनेपामा पक्राउ परेका छन् ।
तनहुँ आबु खैरेनी घर भई मुग्लिनमा हार्डवेयर पसल सञ्चालन गरी बस्ने नारायण श्रेष्ठको कोठाबाट भुजेलले गत असोज २६ गते रु. एक
लाख चोरी गरी फरार भएपछि पसल सञ्चालक श्रेष्ठले प्रहरीमा उजुरी गरेका थिए ।
मुग्लिन प्रहरीको जानकारीअनुसार इलाका प्रहरी कार्यालय बनेपाले भुजेललाई बनेपास्थित सुम्मिना होटलबाट सोमबार राति ११ बजे पक्राउ
गरेको प्रहरीले जानकारी दिएको छ ।
पक्राउ पर्दा भुजेलको पकेटबाट नगद र मोबाइलसहित बरामद भएको जानकारी इलाका प्रहरी कार्यालय बनेपाका इन्चार्ज रञ्जित सिं
राठौरले दिनुभयो ।
पक्राउ परेका भुजेललाई कारबाहीको लागि मंगलबारै मुग्लिन प्रहरीमा पठाइने व्यवस्था गरिएको प्रहरीले जनाएको छ ।
Subscribe to:
Post Comments (Atom)
No comments:
Post a Comment