रौतहटमा बम विष्फोटमा परी तीन जनाको मृत्यु

नेपाल जापान डट् कम् सम्वाददाता
गौर अक्टोबर, १४

तराई आर्मी र तराई राष्ट्रिय सेना संयुक्त टोलीले मंगलबार अपरान्ह रौतहट जिल्लाको चन्द्रनिगाहपुरस्थित हनुमान होटल अगाडि बम

विस्फोट गराउँदा तीनजनाको मृत्यु भएको छ भने दसभन्दा बढी स्थानीयवासी घाइते भएका छन् ।

बम विस्फोटबाट मृत्यु हुनेमा रौतहट, जुडिबेला-३ का २४ वर्षिया शीला सिजालीमगर, उनकी दुई वर्षिया छोरी सृष्टि र बारा जिल्ला

सिमराका वसन्त थापाकी चार वर्षिय छोरा दीपस थापा छन् ।

घाइतेहरुको उपचार प्राथमिक स्वास्थ्य केन्द्र, चन्द्रनिगाहपुरमा भइरहेको इलाका प्रहरी कार्यालय, चन्द्रनिगाहपुरले जनएको छ ।

अपरान्ह करिव ३.४५ बजेको समयमा आएका उक्त टोलीले सो होटल अगाडि टाइम बम राखेर भागेलगत्तै विस्फोट भएको थियो ।

सो घटनालगत्तै स्थानीयवासी र प्रहरीबीच झडप भएको थियो । त्यसक्रममा प्रहरीले गोली चलाउँदा जुडिबेला गाविसका दीपक मैनाली र

सञ्जय साह घाइते भएको स्थानीय पत्रकार विपीन गौतमले बताए ।

तराई आर्मीका केन्द्रीय उपाध्यक्ष शहनसा र तराई राष्ट्रिय सेनाका प्रकाशको नेतृत्वमा बम विस्फोट गराइएको फोनबाट जिम्मेवारी

लिइएको छ ।