असमबाट विदेशी हटाउने उल्फाको धम्की

कान्तिपुर संवाददाता

नया“दिल्ली, असोज २७ - भारत सरकारद्वारा प्रतिबन्धित उग्रवादी संगठन 'उल्फा' -युनाइटेड लिबरेसन प|mन्ट अफ असम) ले प्रवासी नेपाली र बंगलादेशी शरणार्थीलाई असम छाड्न चेतावनी दि“दै नछाडे कारबाही गर्ने धम्की दिएको छ ।

उल्फा अध्यक्ष अरविन्द राजखोवाले इमेलमार्फ आइतबार सञ्चारमाध्यमलाई दिएको एक अन्तर्वार्तामा राज्यभित्र हुने कुनै पनि विदेशी घुसपैठलाई आफ्नो संगठनले नस्विकार्ने बताएका हुन् ।

प्रवासी नेपाली संगठनले भने सरकारद्वारा प्रतिबन्धित संगठनका तर्फाट आएको धम्कीलाई गम्भीरतापर्ूवक लिन नहुने बताउ“दै हालैका दिनमा सानातिना समस्याबाहेक प्रवासी नेपालीले खतरा सामना नगरेको बताएका छन् ।

असमभित्रका बंगलादेशी, स्थायी र प्रवासी नेपालीलाई पहिचान गरी निकाल्नुपर्ने माग उनले असम सरकारस“ग समेत राखेका छन् । उल्फाका बढीजसो नेताहरू बंगलादेशको शरणमा रहने गरेका भए पनि बंगलादेशीको असम घुसपैठविरुद्धको यो सन्देशलाई महत्त्वपर्ूण्ा मानिएको छ ।

करिब तीन दशकदेखि उल्फाले 'स्वायत्त समाजवादी असम' स्थापनाको उद्देश्य राखी सशस्त्र आन्दोलन गर्दै आएको छ । उल्फाले स्थानीयबाहेक सबै जनजातिलाई त्यहा“ लखेट्ने नीति र्सार्वजनिक गर्दै विभिन्न समयमा नन-ट्राइबल -बाहिरबाट आएर बसेका) विरुद्ध कारबाही गर्दै आएको छ ।

असममा करिब डेढ लाख प्रवासी नेपाली छन् भने स्थायी नेपालीभाषी भारतीयको संख्या उल्लेखनीय छ । असम, तेजपुरबाट नेपालीभाषी मणिकुमार सुब्बा लोकसभा सदस्यसमेत छन् । 'प्रतिबन्धित संगठनका तर्फाट यस्तो विज्ञप्ति आएको हो, यसलाई हामीले गम्भीरतापर्ूवक लिएका छैनौं,' राष्ट्रिय जनमोर्चाको भारत प्रवास संगठनले मूलप्रवाहका पूर्वोत्तर सभापति अमित केसीले कान्तिपुरस“ग भने ।