आर्थिक रूपान्तरणको आह्वान

मनिका झा

जनकपुर, असोज २७ - राष्ट्रपति रामवरण यादवले गैरआवासीय नेपालीलाई राष्ट्रनिर्माण अभियानमा सहभागी हुन आह्वान गरेका छन् । राजनीतिक परिवर्तनलाई स्थायित्व दिन आर्थिक रूपान्तरणका लागि स्वदेश तथा विदेशमा रहेका नेपाली एकजुट हुनुपर्ने उनले बताए ।

गैरआवासीय नेपाली दिवस २००८ का अवसरमा स्थानीय रूपान्तरणमा गैरआवासीय नेपाली विषयक सम्मेलनको सोमबार जनकपुरमा उद्घाटन गर्दै राष्ट्रपति यादवले राजनीतिक अस्थिरता अन्त्य गर्न प्रधानमन्त्री र अन्य राजनीतिक दलका नेताहरूस“ग छलफल हु“दै आएको जानकारी दिए । 'हामी जनताद्वारा चुनिएका राष्ट्रपति र प्रधानमन्त्री भएकाले हतियारको राजनीति अन्त्य र देशको आर्थिक विकासका सम्बन्धमा बारम्बार गम्भीरतापर्ूवक छलफल गर्र्छौं,' उनले भने- 'इतिहासको यो कालखण्डमा हाम्रो परीक्षा भइरहेको छ ।'

हिमालको जल, पहाडको वन र जडीबुटी तथा तर्राईको अनाजको समग्र सदुपयोगले मुलुकको विकास हुने बताउ“दै हिमाल, पहाड र तर्राईबीच अन्तरनिर्भरता रहेको राष्ट्रपति यादवको भनाइ थियो । उनले प्रेस स्वतन्त्रता, मानव अधिकार, बहुदलीय प्रणाली, व्यवसाय गर्न पाउने अधिकारको सुनिश्चिता हुनुपर्नेमा जोड दिए ।

स्वदेश तथा विदेशमा बसोबासरत नेपाली र सरकारबीच र्सार्वजनिक निजी साझेदारीका आधारमा अघि बढ्नुपर्ने र यो अवधारणामा गैरआवासीय नेपालीको भूमिका महत्त्वपर्ूण्ा हुने राष्ट्रपतिको भनाइ

छ । हिंसाको राजनीति अन्त्य गर्न र सुन्दर, शान्त एवं स्थिर नेपाल निर्माण गर्न सबै राजनीतिक दलले हातेमालो गर्नुको विकल्प नभएको यादवले औंल्याए ।

यादवले देशको सामाजिक तथा आर्थिक रूपान्तरणमा पुर्‍याएको योगदानका साथै दोस्रो जनआन्दोलनका क्रममा गैरआवासीय नेपालीको भूमिकाको सराहना गरेका थिए ।

गैरआवासीय नेपाली संघका अध्यक्ष उपेन्द्र महतोले विदेशमा व्यक्तिगत रूपमा जतिसुकै समृद्धि हासिल गरे पनि देश धनी नभएसम्म विदेशमा नेपालीको सम्मान नहुने भएकाले गैरआवासीय नेपाली सामूहिक रूपमा स्वदेश आएको बताए । विदेशमा बसोबास गर्दै आएका नेपालीले आफूले आर्जन गरेको पु“जी र ज्ञानलाई स्थानीय रूपान्तरणमा लगानी गराउने उद्देश्यले जनकपुरमा पहिलो पटक आयोजना गरेको जानकारी दिए ।

भौतिक योजना तथा निर्माण मन्त्री विजयकुमार गच्छदारले राजनीतिक द्वन्द्वका क्रममा ध्वस्त मुलुकको पुनर्निर्माणमा सरकारले जोड दिएको जानकारी दिए ।

उनले पर्ूवाधार विकासमा राजनीतिक हस्तक्षेप न्यूनीकरण गरिने र त्यसमा सबै पक्ष सहभागी बनाइने बताए ।

नेपाली कांग्रेसका युवा सभासद् गगन थापाले देशको पुनर्निर्माणका लागि हरेक गैरआवासीय नेपालीले कम्तीमा एउटा विकाससम्बन्धी काममा सहभागी हुन आग्रह गरे । गैरआवासीय नेपालीले त्यसरी अभियान सुरु गरेमा देशभित्रका नेपालीले पनि त्यसबाट पे्ररणा लिने र देशको सामाजिक तथा आर्थिक रूपान्तरणमा सहयोग पुग्ने थापाको भनाइ थियो ।

स्वदेश तथा विदेशमा बस्ने नेपालीबीच कुनै फरक नभएको बताउ“दै सरकारले गैरआवासीय नेपालीलाई दोहोरो नागरिकता दिनुपर्ने थापाको भनाइ छ । 'दोहोरो नागरिकताका सम्बन्धमा बहसमात्र होइन, कार्यान्वयन गर्नुपर्ने समय आएको छ,' थापाले भने ।

कार्यक्रम आयोजना संयोजक तथा एनआरएन उपाध्यक्ष राम थापाले देशको सबै क्षेत्रमा रूपान्तरणमा सहयोग गर्न आवश्यक भएको बताउ“दै त्यसका लागि विदेशमा बस्ने नेपालीहरू सहयोगका लागि तयार भएको बताए ।

विदेशी नागरिकता लिएका बहुसंख्यक नेपालीहरू पहिलो पुस्ताका भएकाले अहिलेसम्म समस्या नभएको तर दोहोरो नागरिकता र नेपालमा सम्पत्ति राख्न पाउने अधिकार नहु“दा आगामी पुस्ता नेपालबाट टाढिने सम्भावना नभएको बताए ।