जनसेना समायोजन गर्न सकिन्न

कान्तिपुर समाचारदाता

तनहु“, असोज २६ - कांगे्रस उप सभापति रामचन्द्र पौडेलले माओवादी जनसेनालाई राष्ट्रिय सेनामा समायोजन गर्न नसकिने अडान व्यक्त गरेका छन् । उनीहरूलाई पुनर्स्थापना मात्र गर्न सकिने उनले बताए ।

'माओवादीले समायोजनको कुरा मात्र गरिरहेका छन्, पुनर्स्थापनाको कुरै उठाएका छैनन्,' पौडेलले सरकार र माओवादीबीच भएको शान्ति सम्झौतामा समायोजन र पुनर्स्थापना दुवै भनिएको उल्लेख गर्दै भने- 'पुनर्स्थापना भनेको गाउ“ फर्काएर गरिखाउ भन्ने हो, जागिर दिने होइन ।'

'कुनै पनि माओवादी कार्यकर्ता राष्ट्रका संरक्षक बन्न सक्दैनन्, सबैको सुरक्षा उनीहरूबाट हुन सक्दैन,' दसैंको शुभकामना आदानप्रदान गर्न गृहजिल्ला आएका पौडेलले पार्टर्ीीार्यालयमा आइतबार चियापान कार्यक्रममा भने- 'नेपाली सेनाको विश्वासलाई कमजोर पारेर राजनीति गर्न पाइ“दैन ।'

उनले माओवादी नेतृत्वको सरकारमा कांग्रेस सहभागी नहुने धारणासमेत राखे । 'माओवादी नेतृत्वको सरकार आफैं धुरमुरे पारामा चलिरहेको छ, धुरमुरे सरकारमा कांग्रेस सहभागी हुदैन,' उनले भने । माओवादीले जनगणतन्त्रको कुरा ल्याएर देशमा एकदलीय अधिनायकवाद लाद्न खोजेको आरोपसमेत पौडेलले लगाए ।

दरै समुदायबाट कालो झन्डा

यहा“का दरै समुदायले पौडेलको विरोधमा कालो झन्डा देखाए । कांग्रेसले आफूहरूलाई धोका दिएको भन्दै उनीहरूले पौडेलविरुद्ध दमौलीमा प्रदर्शन गरे । संविधानसभामा मनोनीत २६ सभासदमध्ये नेपाली कांग्रेसको भागमा परेको दरै जातिबाट कसैलाई पनि सहभागी नगराएको विरोधमा उनीहरूले प्रदर्शन गरेका थिए ।


श्रोत: कान्तिपुर