बहुराष्ट्रिय कम्पनी डाबर नेपालले अवैद्य लागू औषद्य चरेश पैठारी गरेको खुलासा

बहुराष्ट्रिय कम्पनी डाबर नेपाल बाराले अवैद्य लागू औषद्य चरेश नेपालबाट भारततर्फ पैठारी गर्ने गरेको खुलासा भएका छन् । कम्पनीले उत्पादन गरेको रियलजुस ढुवानी गर्न प्रयोग गरिएको मालवाहक ट्रकमा रियल जुससँगै २ सय किलोग्राम अवैद्य लागू औषद्य चरेश भारततर्फ लैजान लागेको अवस्थामा वीरगञ्ज भन्सार कार्यालय नजिकैबाट सोमबार राति बरामद गरिएको पर्साका प्रहरी निरिक्षक केपी शर्माले बताउनु भयो ।

एच आर ३८ एच ५३२५ नम्बरको मालवाहक ट्रकमा सोमबार राति वीरगञ्ज भन्सार क्लियरेन्स भएर रक्सौल हुँदै भारत तर्फ लैजान लागेको अवस्थामा शंकाको आधारमा चेकजाँच गर्दा रियलजुससँगै अवैद्य लागू औषद्य चरेश फेला परेको प्रहरीले जनाएको छ ।

मालवाहक ट्रक, ट्रकका चालक भारतको यूपी सहेववाद निवासी हरि सिंह र ट्रक मालिक सोहि स्थान निवासी सत्यलाल सिंहलाई समेत हिरासतमा लिई अनुसन्धान भइरहेको पर्साका प्रहरी उपरिक्षक योगेश्वर रोमखामीले बताउनु भयो ।



सरस्वती अधिकारी
वीरगञ्ज । अक्टोबर, १४
श्रोत:नेपाल जापान डट कम