कांग्रेस जिम्मेवारी प्रतिपक्षको भूमिकामाः उपसभापति पौडेल

नेपाली काङ्ग्रेसका उपसभापति रामचन्द्र पौडेलले नेपाली काङ्ग्रेसले जिम्मेवार प्रतिपक्षको भूमिका निर्वाह गर्ने बताउनुभएको छ ।

नेपाली काङ्ग्रेस, तनहुँद्वारा दमौलीमा आइतबार आयोजित कार्यर्कर्ता भेटघाट एवम् शुभकामना आदानप्रदान कार्यक्रममा उहाँले लोकतान्त्रिक संविधान निर्माणका लागि काङ्ग्रेसले पहल गर्ने बताउनुभयो ।

विधान बनेपछि आफू संसदीय दलको नेतामा लड्ने बारेमा विचार गर्ने पनि उहाँले स्पष्ट पार्नुभयो ।

नेपाली काङ्ग्रेस, तनहुँका सभापति रघुनाथ पौडेलको सभापतित्वमा सम्पन्न सो कार्यक्रममा नेवि सङ्घका केन्द्रीय अध्यक्ष प्रदीप पौडेल, नेपाल तरुण दलका केन्द्रीय महासचिव पुष्प पराजुली, सहसभापति ध्रुव वाग्ले, ताराराज राना, रामचन्द्र बस्नेतलगायतले सरकारमा नजाँदैमा नेपाली काङ्ग्रेस हतोत्साही भइ हाल्नु पर्ने अवस्था नरहेको बताउनुभयो ।


नेपाल जापान डट् कम् सम्वाददाता
दमौली अक्टोबर, १२